lankafreenews

LANKAFREENEWS

SRI LANKA MOST efficient effective reliable NEWS PROVIDER

වේලක්කන්නි මාතා බැසිලිකා සිද්ධස්ථානයේ ශාඛාවක් ලංකාවට

1690638024 chu L

ලොව පුරා බැතිමතුන් මිලියන ගණනකගේ භක්තියට ආදරයට පත් තමිල්නාඩුවේ වේලක්කන්නි මාතා බැසිලිකා සිද්ධස්ථානයේ ශාඛාවක් මෙරටදී විවෘත කිරීම පසුගියදා සිදුවුණි.

කල්පිටිය, උච්චමුනෙයි දූපතේ ඉදිකර ඇති එම දේවස්ථානය විවෘත කෙරුණේ තමිල්නාඩුවේ වේලක්කන්නි මාතා බැසිලිකා සිද්ධස්ථානයේ අධ්‍යක්ෂ පියතුමන්ගේ සහභාගීත්වයෙනි.

ලංකාවේ වයඹ දිග පෙදෙසේ කල්පිටියට ඉහළින් පිහිටි උච්චමුනෙයි ගම්මානය මේ වනවිට ධීවර පවුල් 200කගේ පමණ වාසස්ථානයකි.

කල්පිටියේ සිට උච්චමුනෙයි ගම්මානයට ප්‍රවේශවීමට වැලිතලාවක් තිබුණද, එය ජනතාවට ගමන්කළ හැකි මාර්ගයක් ලෙස සංවර්ධනය වී නොමැති නිසා අදටත් උච්චමුනෙයි හැඳින්වෙන්නේ දූපතක් ලෙසය. 

පාරම්පරික ජනාවාසවලින් සමන්විත උච්චමුනෙයි ගම්මානය තුළ අදටත් විධිමත් පානිය ජල පද්ධතියක් හෝ විදුලිබල පද්ධතියක් ස්ථාපිත වී නොමැත.

එබැවින් කුප්පි ලාම්පුවෙන් නිවෙස් එළියවෙන මේ දූපතේ මිනිසුන් පිපාසය සංසිදුවා ගන්නේ දූපතේ කුහර සාදා ලබාගන්නා ජලයෙනි.

ගුරුවරුන් 12 දෙනෙකු පමණක් සිටිනා උච්චමුනෙයි පාසලේ පන්ති පැවැත්වෙන්නේ 8 ශ්‍රේණිය දක්වා පමණි.

මෙවැනි වටපිටාවක උච්චමුනෙයි ජනතාවට තම අනාගතය පිළිබඳව සුබවාදී බලාපොරොත්තුවක් පසුගියදා ඇතිවුණි.

ඒ, වසරකට මිලියන ගණනක බැතිමතුන් පිරිසක් වන්දනාවේ යෙදෙන ලෝක ප්‍රකට තමිල්නාඩුවේ වේලක්කන්නි මාතා බැසිලිකා සිද්ධස්ථානයේ ශාඛාවක් එහි ස්ථාපිත කිරීමය. 

ධීවර බෝට්ටු පෙරහරින් දේවස්ථානය වෙත රැගෙන ආ වේලක්කන්නි මාතා ප්‍රතිමාව එහි තැන්පත් කිරීමෙන් පසු හලාවත පදවියේ රදගුරු අතිඋතුම් වැලන්ස් මෙන්ඩිස් හිමියන්ගේ අතින් දේවස්ථානය විවෘත කෙරුණි.

දිව්‍ය පුජාව අවසානයේ තමිල්නාඩුවේ වේලක්කන්නි දේවස්ථානයෙන් රැගෙන ආ විශේෂ ප්‍රතිමාවෙන් ජනතාව ආසිරි ගැන්වීය.

මෙම අවස්ථාව සඳහා ලෝක ප්‍රකට තමිල්නාඩුවේ වේලක්කන්නි මාතා බැසිලිකා සිද්ධස්ථානයේ අධ්‍යක්ෂ ගරු ඉරුදේරාජ් පියතුමන්ද සහභාගීවී සිටීම විශේෂත්වයකි.

Share on facebook
Facebook
Share on twitter
Twitter

LEAVE A REPLY

Please enter your comment!
Please enter your name here

Stay in Touch

We update daily news about sri lanka & world.Our main focus,to provide right information for our people.

Copyright 2022 © All rights Reserved By Voice Of Adorable Media