අලි මිනිස් ගැටුම දැවැන්ත අර්බුදයක් දක්වා වර්ධනය වන ලකුණු

නැගෙනහිර පළාතේ සහ රත්නපුර දිස්ත්‍රික්කයේ රක්ෂිත ඉඩම් නිදහස් කිරීමට පවිත්‍රා වන්නිආරච්චි අමාත්‍යවරිය පියවර ගැනිම මගින් අලි මිනිස් ගැටුම ඉදිරියේදී දැවැන්ත අර්බුදයක් දක්වා වර්ධනය වෙමින් පවතින බව සුරකිමු ශ‍්‍රී ලංකා සංවිධානයේ සභාපති පාහියංගල ආනන්ද සාගර හිමි පවසයි.

උන්වහන්සේ සඳහන් කළේ, මේ වසරේ ගත වූ කාලසීමාව තුළ අලි ඇතුන් 436කට අධික ප්‍රමාණයක් මියගොස් ඇති බවයි. 

මෙම ඛේදවාචකය සම්බන්ධයෙන් පරිසරවේදීන් සහ ජනතාව දැනුම්වත් කිරීම සඳහා විශේෂ වැඩසටහනක් අද (23) කොළඹ දී සංවිධානය කර ඇති බව පාහියංගල ආනන්ද සාගර හිමි පැවසීය.