වවුලන්ගෙන් මනුෂ්‍යයන්ට බෝ වන නව වයිරසයක්

වවුලන් අතරේ පැතිරෙන, වවුලන්ගෙන් මනුෂ්‍යයන්ට බෝ විය හැකි නව වයිරසයක් ගැන ඇමෙරිකන් විද්‍යාඥයෝ අනතුරු අගවනවා.

කොස්ටා 2 Khosta-2 යන නමින් නම් කර ඇති මෙම වයිරසය, මනුෂ්‍ය සෛලවලට ඉක්මනින් ආසාදනය වන බව සොයා ගෙන ඇති අතර වයිරසය සදහා කිසිදු ප්‍රතිකර්මයක් නොමැති බව සදහන්.

කොස්ටා 2 වයිරසය 2000 වසරේදී මුල්වරට සොයාගෙන ඇත්තේ රුසියාවෙන්.

කෙසේ නමුත් එදා මෙම වයිරසය මනුෂ්‍යයන්ට තර්ජනයක් වනු ඇතැයි විද්‍යාඥයන් විශ්වාස නොකළ අතර ඇමෙරිකන් විද්‍යාඥයන් කොස්ටා 2 වයිරසය ගැන වැඩි අවදානයක් යොමු කළේ ‘කොවිඩ් 19’ වයිරසයේ ව්‍යාප්තියත් සමගයි.

ඒ අනුව, පසුගිය මාස කීපයේ ඇමෙරිකන් විද්‍යාඥයන් මෙම නව වයිරසය සම්බන්ධයෙන් අධ්‍යයන රැසක් සිදු කර තිබෙනවා.