සහල් වෙළෙඳපොළ සමතුලිත කිරීම සඳහා සුළු හා මධ්ය පරිමාණ සහල් ව්යාපාරිකයන්ගේ ගබඩා ධාරිතාව වැඩි කිරීමට සහාය ලබා දෙන බව ජනාධිපති අනුර කුමාර දිසානායක මහතා ප්රකාශ කළේය.
ජනාධිපතිවරයා මේ බව සඳහන් කර සිටියේ සුළු හා මධ්ය පරිමාණ සහල් ව්යාපාරිකයන් සමඟ ජනාධිපති කාර්යාලයේ ඊයේ (25) පැවති සාකච්ඡාවට එක් වෙමිනි.
ජනාධිපතිවරයා මෙසේද පැවසීය.
සහල් පාලන මිල වැඩි කරමින්, අසාධාරණ ලෙස ලාභ ලැබීමට කිසිදු ව්යාපාරිකයකුට ඉඩ දෙන්නේ නැහැ.
කෘෂිකර්ම සහ වාරිමාර්ග ක්ෂේත්රවල ප්රවර්ධනයට මෙන්ම පොහොර සහනාධාරය ලබා දීම සඳහා ආණ්ඩුව විශාල මුදලක් වැය කරන බැවින් ජනතාවට සහල් සැපයීමේදී සුළු හා මධ්ය පරිමාණ සහල් ව්යාපාරිකයන්ට ද වගකීමක් පැවරෙනවා.
සුළු හා මධ්ය පරිමාණ සහල් ව්යාපාරිකයන්ගේ ධාරිතාව නඟාසිටුවමින් සහල් වෙළෙඳපොළ සමතුලිත කිරීමට අදාළව ගත යුතු පියවර පිළිබඳව මෙහිදී දීර්ඝ ලෙස සාකච්ඡා කෙරිණි. අසාධාරණ ලෙස ලාභ ලැබීමට සහල් පාලන මිලෙහි වෙනසක් සිදු නොකරන බව ද ඒ පැවසීය.