මෙරට ඉන්ධන සැපයුම සඳහා ප්රසම්පාදන හා මිලදී ගැනීම් ක්රියාවලියේ පාරදෘශ්යභාවය හා කාර්යක්ෂමතාව සම්බන්ධයෙන් ගැටලු රැසක් පවතින බව විපක්ෂ නායක සජිත් ප්රේමදාස මහතා ප්රකාශ කළේය.
එබැවින් මෙම ක්රියාවලිය සම්බන්ධයෙන් කරුණු රැසක් දැනගැනීමට අවශ්ය බවත් මාස 12ක කාලය තුළ ශ්රී ලංකා ඛනිජ තෙල් සංස්ථාව විසින් කැඳවා ඇති හදිසි මිලදී ගැනීම් හා දිගුකාලීන ගිවිසුම් යටතේ සිදු කරන ලද මිලදී ගැනීම් ආදිය වෙන් වෙන් වශයෙන් ඉදිරිපත් කරන ලෙසද විපක්ෂ නායකවරයා ඉල්ලා සිටියේය. විපක්ෂ නායක සජිත් ප්රේමදාස මහතා මේ බව සඳහන් කළේ ස්ථාවර නියෝග 27/2 යටතේ ඉන්ධන මිල සම්බන්ධයෙන් ප්රශ්නයක් යොමුකරමිනි.
එහිදී වැඩිදුරටත් අදහස් දැක්වූ විපක්ෂ නායක සජිත් ප්රේමදාස මහතා සඳහන් කළේ ඉන්ධන මිලදී ගැනීම සඳහා භාවිත කරන තාක්ෂණික හා වාණිජ ඇගයීම්වල නිර්ණායක ඉදිරිපත් කරන ලෙසත් මෙම නිර්නායක සෙසු රටවල් සමඟ සසඳමින් ඉදිරිපත් කරන ලෙසයි.
එමෙන්ම පසුගිය මාස 12 තුළ ශ්රී ලංකා ඛනිජ තෙල් සංස්ථාවේ ලියාපදිංචි වූ නව සැපයුම්කරුවන් ප්රමාණය සහ ඔවුන් සම්බන්ධ තොරතුරුත් පසුගිය මාස 12ක කාලය තුළ නව හෝ පැරණි කිසියම් සැපයුම්කරුවකු එම බෙදාහැරීම් පැහැරහැර ඇත්නම් ඒ අය සම්බන්ධයෙන්ද තොරතුරු ඉදිරිපත් කරන ලෙස විපක්ෂ නායකවරයා ඉල්ලා සිටියේය.
